Ունայ Էմերին Մադրիդի «Ռեալի» գլխավոր մարզիչի հավակնորդ

«Ասթոն Վիլլայի» գլխավոր մարզիչ Ունայ Էմերին դիտարկվում է որպես «Ռեալ Մադրիդի» մարզչի հավանական թեկնածու, հայտնում է` talkSPORT-ը։

Աղբյուրի փոխանցմամբ՝ իսպանական ակումբի ղեկավարությունը 54-ամյա մասնագետին ներառել է ներկայիս մարզչին փոխարինելու թեկնածուների կարճ ցուցակում, և նա առաջատար տարբերակներից մեկն է։

Էմերին «Ասթոն Վիլլա»-ն ստանձնեց 2022 թվականի աշնանը, և նրա ներկայիս պայմանագիրը անգլիական ակումբի հետ նախատեսված է մինչև 2029 թվականը։ Այնուամենայնիվ, նշվել է, որ իսպանացին կարող է հետաքրքրված լինել «Ռեալ Մադրիդ»-ում աշխատելով, հատկապես հաշվի առնելով բիրմինգհեմյան ակումբի ֆինանսական սահմանափակումները։

Աստոն Վիլան Պրեմիեր լիգայի մրցաշարային աղյուսակում զբաղեցնում է հինգերորդ տեղը՝ այս մրցաշրջանում 35 խաղից հետո վաստակելով 58 միավոր։ Թիմը շարունակում է մրցել եվրոպական մրցաշարերում։ Նրանք Եվրոպա լիգայի կիսաեզրափակչում մրցելու են Նոթինգհեմի հետ։ Առաջին խաղն ավարտվել է «Վիլյայի» 0-1 հաշվով պարտությամբ, իսկ պատասխան խաղը կկայանա մայիսի 7-ին։

Էմերին նախկինում աշխատել է Իսպանիայի առաջնությունում՝ մարզելով «Ալմերիան», «Վալենսիան», «Սևիլիան» և «Վիլյառեալը»։